Tlett studenti tal-vuċi mill-iskola tal-Arti Viżwali u Performattiva, il-ġimgħa l-oħra ħadu sehem fir-raba’ edizzjoni tal-Maltese Islands Festival li sar ġewwa l-iSpazju Kreattiv ta’ St James Cavalier u ġewwa l-Phoenicia Malta fl-4, fil-5, fis-6, fis-7 u fit-8 ta’ Marzu 2020.
Il-Maltese Islands Festival joffri opportunita` lill-artisti li jkunu għadhom fil-bidu tal-karriera tagħhom sabiex jifformaw apprezzament ta’ standards artistiċi u jagħmlu prestazzjonijiet quddiem udjenza differenti.
L-Istudenti tal-Iskola tal-AVP li jistudjaw il-vuċi klassika VPA Sylvana Cardona, Chloe Cauchi u Giannella Muscat ħadu sehem f’dan l-avveniment bill taw prestazzjonijiet mill-isbaħ quddiem l-għajnejn kburin tal-għalliema tal-vuċi tal-Iskola tal-Arti Viżwali u Performattiva Marouska Attard.
It-tlett kontestanti kienu akkumpanjati mill-Għalliema tal-Pjanu tal-Iskola tal-Arti Viżwali u Performattiva Milica Lawrence.
Sylvana Cardona ġiet fit-tieni post meta kkompetiet fil-kategorija tal-Opra 18+. Proset tassew Sylvana!!
Il-Kulleġġ Mikiel Anton Vassalli College huwa netwerk nazzjonali ta’ skejjel speċjaliżżati għall-Edukazzjoni tal-Arti Viżiva u Performattiva f’Malta u Għawdex.
Malta: Uffiċċju tal-Kap tan-Netwerk tal-Kulleġġ
32, Triq Ġuże` Abela Scolaro,
Ħamrun HMR 1304, Malta
Għawdex: Uffiċċju tal-Kap tan-Netwerk tal-Kulleġġ,
Kulleġġ Mikiel Anton Vassalli,
Żona Industrijali,
Triq Jean De La Valette,
Xewkija, XWK 3000, Għawdex
+356 2598 3710
mavassalli.college@ilearn.edu.mt
