Ġawhar Misjub – Discovered Gems 

Dawn huma tassew ġawhar! Hu tassew mill-ġdid pjaċir tiegħi li nippreżenta produzzjoni oħra tal-Kulleġġ bl-isforzi u l-kontribut tal-iskejjel speċjalizzati tal-iskejjel tal-arti viżiva u performattiva (skejjel tad-Drama, Danza, Mużika u Arti) permezz tal-pjattaforma artistika Belt ilBniedem u din id-darba bil-kollaborazzjoni tal-Kapitlu Metropolitan tal-Katridral tal-Imdina. 

Wara l-produzzjoni tal-ewwel OperaFilm bil-Malti BLAT – The Island Fortress, li ħarġet f’Ġunju tal-2022, issa qegħdin nippreżentaw il-proġett Ġawhar Misjub, li litteralment ifisser Discovered Gems-Ġawhar Misjub, li tiffoka fuq il-mużika operistika tal-kompożituri Maltin li ħallewlna. 
 
il-kunċert tallum huwa l-ewwel parti minn dan il-proġett u jippreżenta wħud mill-biċċiet li se jinstemgħu f’din il-produzzjoni f’forma ta’ kunċert minn ħames kantanti professjonali. 

Peress li l-biċċa l-kbira minn dawn il-biċċiet mużikali qatt ma nstemgħu fi żminijietna, qegħdin nagħmlu dan sabiex indewqukom ftit minn dak li mbagħad tkunu tistgħu tgawdu fit-tieni parti ta’ din il-produzzjoni f’Mejju 2023. Hemm mbagħad inkun nistgħu nippreżentaw dawn il-biċċiet fuq il-palk, imżewqin kif xieraq bil-kostumi, mis-set, mid-dwall, minn orkestra mużikali, minn kor u mill-elementi kollha meħtieġa biex isseħħ produzzjoni sħiħa. 

Tistgħu tniżżlu l-ktejjeb permezz ta’ din il-link: 
http://mikielantonvassallicollege.gov.mt/wp-content/uploads/2022/12/Mikiel-Anton-Vassalli-Booklet-proof.pdf