Ħareġ il-filmat tal-Milied mill-Iskola tal-Arti Viżiva & Performattiva f’Għawdex

Il-filmat tal-Milied mill-Iskola tal-Arti Viżiva & Performattiva f’Għawdex, għadu kemm ħareġ u jinkorpora fih dak kollu li għandha x’toffri l-iskola. L-Iskola tal-Arti Viżiva & Performattiva f’Għawdex li tinsab ġewwa x-Xewkija, tlaqqa’ fiha taħt saqaf wieħed id-dixxiplini tal-Mużika, tal-Arti, tad-Drama u tad-Danza li sehem kollha kemm huma jinstab fil-filmat tal-Milied għal din is-sena.

Il-filmat, ġabra ta’ dak li seħħ matul l-ewwel term ta’ din is-sena skolastika, jimxi man-noti tal-kanzunetta popolari “Jingle Bells”, prestazzjoni ta’ ġabra ta’ istrumenti li daqqew uħud mill-istudenti tal-iskola.

Dan il-filmat ta’ tlett minuti jiġbor fih id-dixxiplini kollha tal-iskola u jintemm b’messaġġ mill-Kap tal-Iskola is-Sur Vince Caruana.