L-ewwel jum ta’ skola fl-iSkola tal-Arti Viżwali u Performattiva ġewwa Għawdex.

L-iSkola tal-Arti Viżwali u Performattiva fi ħdan il-Kulleġġ Mikiel Anton Vassalli, reġgħet bdiet, hekk kif nafuha u nħobbuha, imsomma, bi ftit tibdiliet żgħar! L-ewwel jum kollox mexa ħarir. Konna kuntenti li lqajna lill-istudenti tagħna ( fis-suġġetti kollha) lura fl-iskola. L-iskola nbidlet xi ftit matul is-sajf, billi addattat ruħha għar-realta` l-ġdida. Ma waqafniex biss fit-tibjid tal-ħitan. Implimentajna l-miżuri ta’ prevenzjoni kontra l-Covid-19, billi assigurajna (fost l-oħrajn) li hemm distanza fiżika bejn l-istudenti, li jintlibsu l-maskri u l-visors f’kull ħin, li tiġi ċċekkjata t-temperatura fl-entratura tal-iskola, u li jitnaddfu l-idejn u l-uċuħ tal-għamara jitnaddfu wara kull lezzjoni; u grazzi għall-kollaborazzjoni tal-istudenti, l-ġenituri, l-edukaturi u l-membri kollha tal-istaff fl-ewwel ġurnata kollox mexa ħarir.