Studenti mill-iskola VPA fi ħdan il-Kulleġġ Mikeil Anton Vassalli Amy Mizzi, Colette Attard, Kurt Vella & Jacques Bouvier bil-koordinazzjoni tal-għalliem tal-Klarinett, Noel Curmi ħolqu filmat ta’ ensemble li jġib l-isem “Theme from Jupiter” mill-kompożitur Ingliż composer Gustav Holst.
Fi żmien ta’ pandemija, Is-Sur Noel Curmi u l-istudenti tiegħu ikkomunikaw bejniethom permess tas-sistema onlajn u lkoll flimkien irrekordjaw il-prestazzjoni mis-sigurta` ta’ djarhom.
Il-Kompożitur Ingliż Gustav Holst li hu magħruf l-iktar għas-suċċess li kiseb bis-suite orkestrali: The Planets, ikkompona ħafna xogħolijiet oħra li jkopru kull ġeneru, għalkemm l-ebda waħda ma kisbet suċċess li jikkompara ma’ dan.
L-Iskola tal-Arti Viżwali u Performattiva, Għawdex fi ħdan il-Kulleġġ Mikiel Anton Vassalli, kull sena toffri numru ta’ korsijiet fl-Arti, fil-Mużika, fid-Drama u fid- Danza lil fuq minn 1,100 student.
L-iskola għandha 8 Għalliema u 24 Edukatur ieħor fuq bażi Part Time, lkoll kemm huma jaħdmu sabiex joffru taħriġ u korsijiet li jwasslu għal-Livell ta’ Diploma f’Livell 5 (MQF Livell 5) fl-Arti, fil-Mużika, fid-Drama u fid-Danza lil studenti li l-eta` tagħhom tvarja minn 6 snin sa ’l fuq minn 60 sena.
Il-Kulleġġ Mikiel Anton Vassalli College huwa netwerk nazzjonali ta’ skejjel speċjaliżżati għall-Edukazzjoni tal-Arti Viżiva u Performattiva f’Malta u Għawdex.
Malta: Uffiċċju tal-Kap tan-Netwerk tal-Kulleġġ
32, Triq Ġuże` Abela Scolaro,
Ħamrun HMR 1304, Malta
Għawdex: Uffiċċju tal-Kap tan-Netwerk tal-Kulleġġ,
Kulleġġ Mikiel Anton Vassalli,
Żona Industrijali,
Triq Jean De La Valette,
Xewkija, XWK 3000, Għawdex
+356 2598 3710
mavassalli.college@ilearn.edu.mt
